Minse, minse wat hebbe wej genoote. Wat ’n jaor, wat ’n stie.p, wat ’n schik hebbe we saame gehad.
Ut begos mit ut Prinsebal; de zenuwe giere dör d’n kél. Oons Pap en Mam dochte vörig jaor al dat ik ut zoj worre mar toen sto.nd ik vlak achter ze. Now had ik gezet dat ze mar goe.d achterum
mosse kieke. Ankie was d’r als da.nsmarietje al bej en Boyan en Iska waare mit opa en oma thuus. Ze zaage op televisie ut ding naor binnen komme toen de tillefoon ging waare ze zo bej ESG. Ja en dan komt er unnen wä.rme doesj ovver oons hin. Unne geweldige ontva.ngst. Einmalig. Oons pap die eindelijk van zien manchetknööp af kwam die hej mien belo.ft had as ik Prins zoj worre. We hebbe unnen geweldigen aovend gehad. Toen we ’s aoves thuus kwaame had de buurt, saame mit oons Dorethe ut huus al meteen geweldig versierd. Prachtig!
Zondags un onvurstelbaar moj oope huuse. Momente um nooit mer te vergé.te.En as ge dan terugkomt van ut bal van de coloradokevers is alles al wer opgeruumd en zien de wc’s al wer gepoetst. Prachtig hoe da binnen zo’n klup allemaol geregeld wert. En dan kriede ut toch un partej druk…
As ge ziet wat d’r dan ien die urste daag allemaol geregeld mot worre. 1e, 2e en schorrie is echt nie alleen mar un eerebantje; onvörstelbaar wat die kels en vrollie hebbe geschoereezeld. Ieder het zo zien net uutgestooke, gebouwd, gesjouwd, geregeld. Grote klasse en heel veul dank.. Ja, en dan zien we nog mar net begonne! ’t Waggelaarsbal gaf de tied um ekkes lekker links en rechts te proate. De receptie was einmalig. Andere jaore vo.nd ik ut mej wel lang duure, mar wej kosse d’r now gen genoeg van kriege. Fantastisch hoe Ernst da wer allemaol an mekaor praotte! En dan al die minse die kwaame felicitiere, de buurt, de alde garde, vrienden, collega’s, die vroliie van Noy, de Joekskapelle, de heremenie, Vitesse en got zo mar dör. Van 7 uur tot un uur of half een an een stuk dör. We zien nog nie ens wisse plasse. En dan komde van de troon af en hup gelijk de toffel op. Ik was kapot, maar genoote da we hebbe!!! Vör dat we ut wisse was ’t
vastelaovend.
Ut ziekebezuuk het die.pe iendruk gemakt. Fijn as ge zo toch nog ekkes ’n lichtpuntje kunt zien vör minse die als jaore tusse die vier muure zitte of bezig zien mit de letste daage van hun lee.ve. Urst ekkes bej Oma langs ien ’t bejaardehuus ien Nimwege. Op de Maartenskliniek zien we saame mit Bombarie ok nog ekkes bej Bart Schellekens an gewist. Den kel het afgeloope jaor veul pech gehad en host ut heele jaor ien bed motte blieve. Verder zien we bej Toon Hofmans thuus gewest, op Dekkerswald, het Radboud, ut Maasziekenhuus en natuurlik op Madeleine bej Cliff Gartsen en al die a.ndere Gennepse minse die daor zo liefdevol verpleegd worre. Onvörstelbaar wat Gonnie en Thei Gartsen daor nog unnen hoop werrek verzette. Beda.nkt namens al die mi.nse daor. Ut bezuuk bej Piet Noy en oonzen officier Jan Mooren en zien vrouw zal oons altied bej blieve. Jan en Toos wiste van niks. Urst wis Jan nie of ie ut leuk mos viende of nie. Mar nao zo’n 10 minuute gepeins sprong ie op; de gleus kwame uut de kast en de champagne uut de kelder. En ’t was goe.d. Un we.k latter zien we nog bej um ien ’t ziekehuus gewest. Piet en Jan hebbe ons jommer genoeg motte verlaote. God hebbe hunnen ziel; bewaor ‘m goe.d!.
Ut carnavalsbal bej Norbertus was un prachtig feest. As ge ziet wat die mi.nse un schik hebbe, dan kunde gewoon nie op d’n stoe.l blieve zitte. En as de zeeschuimers mej es ekkes nie speulde dan zonge wej. En dan natuurlik ut alde wieve bal waor wer veul werrek van was gemakt. Laote we da ien eere halde!
Vrijdags zien we nao un gezamenlijk ontbijt an ut schollebezuuk begonne. De dag d’r vör waare we al ekkes op de schol van Fleur Aarnoutse gewest. Fleur lie.p trots as ’n pauw mit 7 sterte mit oons dör de schol te paradiere. Prachtig. En op de scholle ien Gennep was ut al net zo’n feest. We waare al vroeg bej de Ratel, toen naar de Picardej naor Elckerlyc, de Piramide en Maria Goretti. Lekker ee.te bej de Kroon en toen naor Mikado. Wat un drukte en gezelligheid. Ansluutend zien we nog ekkes un pilske wisse dri.nke bej oons ald raodslid Hay Guelen. Mia was ok nog jörig dus wej viele mit de ko.nt ien de botter(koek).
En dan is ut eenen grote roes. ’s Aoves nog de sluuteluutreiking, unnen geweldig gezelligen aovend bej de Mouter en dan op naor de Mé.rtzitting. Moj hoe we elk jaor bej Piet en Dot wer gastvrij ontvange worre. Mar dan de mé.rtzitting zelluf. Geweldig wat un artieste, wat ’n feest, veural as ge niks hoeft te doe.n as geniete. En dat hebbe we gedaon!!! ’s Aoves zien we ok nog naor de receptie ien Ootersum gewest.
D’n optocht was al eeve moj en ik hoefde now ok gen Lotte te verkoope. Prachtig, 1.700 deelnemers die an ow vörbej trekke en dan de Loodsstraot die hillemaoal ien de wolke waare mit oons. Prachtig al die groepe, waages en alles wat mit duut. De buurtvereniging dr. Nolens was natuurlijk einmalig mit hun piratenschip. Grote klasse. Nao afloop zien we bej Pica Mare nog ekkes geweldig uut oons dak gegaon. De foto’s die daor gemakt zien hebb de censuur nie o.verlé.ft. ’s Aoves hebbe we hier bej de Kroon ok nog un nej drenkske ontdenkt. Doelie’s. D’r ware d’r al bej die ut al kende, mar die kenne alles waor alkohol ien zit.
Ondanks alle ienspanninge komt ut röndje Gennep jommer genoeg nie van de gro.nd. Wej hebbe mit mekaor toch unnen moije dag en unne rondgang gehad. Laote we us zien hoe we ut dit jaor op kunne pakke. Die drie daag zien vörbej vördat ge ut ien de gaate het. Unnen prachtige jeugd boerebruloft, sluuting en popverbrande. Ik docht nog ik blief op ’t biljart staon totdat de meziek stopt.
Ja en angezie.n de mezie.k nie stopte ging ik ok mar dör. Wis ik veul. Ik was zeiknat. Nao afloop hebbe we thuus nog ’n köpke koffie gedronke. Minse wa hebbe we daor nog gelache. We hebbe zelfs thuus nog ekkes op ’t biljart gestaon. We kosse d’r echt gen genoeg van kriege. En dan wert op aswoensdag alles wer afgebro.ke. De kiender vo.nde ’t mar saai. ’t Is lekker um dan op ’s aoves, naodat we bej d’n de.ke wer tot bezinning zien gekomme, ien alle rust ekkes nao te praote bej ’t heringschelle. De heurt d’r écht bej.
En dan dinkte dat ’t seizoen vörbej is en ’t allemaol wat rustiger wert. Dan kriegde ut Dialectendictee, Dropshot pruuve bej de Spiek. Ut 60-jurrig bestaon van Bombakkes, os é.te ien Ootersom. Asperges é.te bej de Kroon mit de Alliance de Gastronomique des Asperges du Limbourg Nord. En niet te vergé.te oons eige vruutersfeest. Allemaol onmundig moj. D’n Niersoptocht mit de zommercarnaval was misschien wel wa kort, mar wel onmundig moj. We hebben beestig schik gehad. Eiges waare we moi dreug gebleeve mar we mosse d’r an ut eind toch an gleuve toen de Kat genen schep, mar wel enne van 1 kuub ovver oons hin smeet. En schik da we hebbe gehad. Ok ’s aoves mit Zoiezo die op d’n bleek hun eige feestje hajje. Prachtig as gezie hoe die samenwerking
steeds meer uutgebouwd wert. En dan mos d’r ok nog van alles ausprobiert worre vör ’t reisje. En ausprobiert hebbe we. Alleen daor hebbe we al mundige schik van gehad. Ok de reis was iets einmalig. We hebbe gefietst, gevaore en gevlooge. Un dag um nooit te vergé.te.
Eindelik is ’t dan zover dat de steek wer op mug. Urst de heele dag naor Maastricht vör de opening van de vastelaovend op ’t Vrijthof en net op tied wer terug ien de kerk. Moj zo’n mis ien ’t dialect mit Joekskapel en iengetooge carnavalsmezie.k. Ik vond ut echt jommer dat we naor de vuurpielen nie hier kosse blieve mar de gezelligheid ien ’t Ven veul goed het gemakt.
En dan get ut wer echt loos. Un geweldig schlagerbal mit un prachtige sfeer zo onder mekaor. ’t Was raor um nao 18 jaor vör de urtse keer nie mit de buurt mit te kunnen zinge. Da was trouwes ok goe.d te heure ok! Ut is klasse hoe alle die buurte, kapellen, vriendestelle en alles elluk jaor wer hillemaol eiges unnen schlager compeniere en schrieve. En niet te vergè.te de kepel
die all die nummers mot arrangiere en speule. Unnen prachtige winnaar van Neve de diepvries mit “ut komt wel goed”. En da kwam ut ok!
De zitting war echt einmalig! De moiste zittig ien jaore! ’t Is prachtig um daor baove op de troon ovver de hele zaol hin te kieke en de minse te zien geniete. De dansgardes waare geweldig en zaage d’r prachtig uut ien hun neije pekskes. Prachtige buuts, Rob Stevens wer hillmaol op rijm, Kim, oonze Europees kampioene, unnen fantastische premiere van William mit zien vrollie; ik hoap dat we d’r nog veul van mugge heure! En dan die exhoogheden mit moj wér de kiep. Grote klasse dat ze dan ba.nd stil hebbe laote staon en unnen live act hebbe nergezet. We hebbe genoote,
ok van de geweldige finale mit Erwin Cruts. Ut dak ging d’r af!
De Niersjaarsduik had ik mit de zommercarnaval al gehad en is mien mit neij-jaor gelukkig bespaort gebleeve. Ut het wa geko.st um John zo ver te kriege um ut dit jaor oaver te slaon. John, dat ge beda.nkt ziet dat wette! Ja en dan zit ut d’r é.cht op. Mit ut Boerenbal hebbe we ut nog eene keer goe.d laote knalle en toen was ut ok e.cht gedaon.
Minse ok namens mien Prinses Marijon allemaol onmundig beda.nkt! Wej kieke terug op un geweldige ervaring. Beda.nkt, bewaor ow goe.d , en onthald ok vör ut kommend jaor mien leus:
Geniet van ut lèè.ve en mak deez daag veul lol
Halt un bitje van mekaor en heb respect vör allemaol
Duut hin
Ex Prins Gilbert 1 en exPrinses Marijon