Génnepse Vastelaovendclup opgericht 11 mért 1946
Vörrige zaoterdag was de Resépsie Prins Stefan d’n Örste en zien Prinsés Ankie. Veule mi.nse uut Génnep, mar ôk van daorbuute, mie.ke van de gelegenheid gebruuk öm o.nzen nïjjen Hoogheid en zien Prinsés te fillisiteere mit hun benoeming.
Afgeloope vrïjdag is d’n örste Bombakkeskra.nt ediesie 2019 uutgereikt èn Prins Stefan en Prinsés Ankie.
Dankzïj de ienspanninge van veule redakteure, schrie.vers, adverténsieverkopers en nie te vergèète de kunstenaars bïj Printmarkt.eu is d’r wér enne mójje en extra dikke kra.nt geprizzenteerd!
Binnekort vèè.lt ie ôk bïj óllie ien de bus, dus veul lèèsplezier!
Hier zien de a.ndere foto’s. Mit da.nk èn Mireille en ’t Plékplötje
O.nder ovverwéldigende belángstélling en mit veul entoezjasme is Stefan Vloet uutgeroe.pe tot de 70e Prins van ’t Bombakkes. Saame mit zien Prinsés Ankie zal hïj ien Génnep heerse ovver alle Bombakkiërs en ze vörgaon ien de Vastelaovend.
Prins Stefan en Prinsés Ankie, van harte profiesjat mit óllie uutverkiezing !!
Op ’t Boerebal afgeloope zaoterdag hébbe wïj afscheid genoome van Prins Stef en Prinsés Dyantha en van o.ns drie da.nsmarietjes Marlie, Eefke en Nieky. ’t Was enne mójje aovend mit veul meziek en zeas dat heurt bïj en afscheid, enne lach en enne traon.
Op d’n örste dag van 2019 was de vlonder bïj de Genneper Meule wèr ’t decor vör de jaorlekse Niersjaorsduik. O.nder groote publieke belangstélling ginge wér ro.nd de 111 “He.lde” de Niers ien. Vanwèège de relatief hoge waotertemperatuur (9 graade) vond John Hofmans van de organisaasie ut enne “subtropische” duik.
Alle Prinsen van de gemeente Gennep waare d’r bïj en zïj ginge onder ènvoering van o.nze èège Prins Stef d’n Örste van ’t Bombakkes alle andere deelnemers veur. Onder de springers waare ôk beheurlek wat internasjonaale deelnemers; nèvve Nederland waare ôk Duitsland, de USA én Colombia d’r dit jaor bïj.