't Bombakkes

Nog vördet de nïjje Prins bekénd is, viendt al de vörverkoop van de Zitting pléts. D’r is dit jaor nie één mome.nt; nee, ge ku.nt vanaf 1 jannewaori (niersjaorsduik) bïj al o.ns aktiviteite (boerebal, prinsebal) kaorte koope vör de zitting én vanaf 10 jannewaori ôk bïj Brasserie ’t Geveltje.
Dit jaor zien d’r twee vörstéllinge: Eene op zaoterdagaovend 16 fibbrewaori en eene op zondagmiddag 17 fibbrewaori. De opzet is, nao de veranderinge van vörrig jaor, nog wat ângepa.st. Nïjje zaol-ienrichting, veul e.chte Génnepse artieste, en vlot dörloopend programma en natuurlek ôk enne top-buutreedner “van buute”. 
De kaorte ko.ste 12 euro per stuk; Compaene betaole mar 8 euro en Vriende kunne gratis twee kaorte kómme haole.
Di.nk d’r dus èn öm ów compaene- of vriendekaort mit te neeme as ge kaorte gôt koope; a.nders kunne wïj nie de korting gèève die ów toekömt.

Ziede nog gén Compaen of Vriend? Nimt èfkes kontakt op mit Tijs (penningmeester@bombakkes.nl) en ge ku.nt nog dit seizoen van alle vördeeltjes profiteere!

Op ’t feesteleke en sfeervolle Lallebal zien de Ex-Hoogheden van ’t Bombakkes mit de Moel-Moel trofee gaon strieke. Hun nummer “Da mâkt niks uut” kreeg van de jury de mèèste pu.nte.
De twédde pries was vör ’t Stadscomité mit hun spektakulaire “Joeks-rock” en zïj kreege ôk de themapries toebedèè.ld. Mit ’t liedje “Pot-Verdorie wiste de Waggelaars de derde pries te winne.

Gisteraovend, mit de tradiesjoneele Senaatsvergadering op Prinsjesdag, is tot zien èège groote verrassing Toon von der Haar (“Toon de Kroon”), vanwèège zien buutegewoone verdienste vör de Génnepse Vastlaovend, benoemd tot Officier van ’t Bombakkes. 

(meer…)

Nét vör de resépsie van “zien” 200 jaorige Hérmenie is o.nze Ridder Mat Rutten naames ziene Majesteit de Könning dör Burgemèèster de Könning benoemd is tot Lid ien de Orde van Oranje Nassau. En daor zien wïj bïj ’t Bombakkes ôk heel gröts op!

Mat kreeg dees mójje onderscheiding nie alleen vanwèège zien groote verdienste bïj Unitas & Fidelitas, mar ôk vör zien jaorelange ienzet vör de vastelaovend, (’t Bombakkes, Nève de Diepvries), buurtvereniging Dr. Nolens, Buurthuus Van Ons, Stichting Lijn 83 en nog meer.

Extra mój was ’t dat wïj o.ns fillisitaasies kósse laote aoverbrénge dör ziene èège zoon: Prins Stef d’n Örste mit zien Prinsés Dyantha.

Mat, en ôk Monique natuurlek, naames iedereen bïj ’t Bombakkes, nog mar ’s van harte profiesjat mit dees dik verdiende onderscheiding!

Bizonder gröts kunne wïj me.lde dat vanmé.rge Bombakkes Officier Michiel Ponjee naames ziene Majesteit de Könning dör Burgemèèster de Könning benoemd is tot Lid ien de Orde van Oranje Nassau. 

Dit mójje li.ntje kreeg Michiel opgespe.ld vör zien groote verdienste vör de Génnepse gemeenschap. O.a. bïj Summmertime, Stichting Evenementen Gennep, de Kienderboerderij, Buurtvereniging de Loodsstraot hét hïj jaorelang veul vrïjwilligerswe.rk verricht.

Mar wïj eere hum, saame mit zien lieftaligge vrów Ria, vöral vanwèège zien uutzonderleke verdienste vör ’t Bombakkes, de Mé.rtzitting en de Génnepse Vastelaovend. 

Michiel en Ria, naames Prins Stef, Prinsés Dyantha en heel ’t Bombakkes van harte gefilliciteerd mit dees dik verdiende onderscheiding!