Ömdat we ’t èèges nie mójjer kunne beschrie.ve, stét hiero.nder en link naor ’t artikel ovver de zitting dat Bertus vör MaasduinenNieuws.nl geschreeve hét.
http://www.maasduinennieuws.nl/5656/gennep-o-nder-mekaor-met-traan-en-lach/
Ânvullinge Bombakkeskra.nt
Ien de Bombakkeskra.nt staon heel veul artikele, ’t één nog mójjer as ’t a.nder. Dör plétsgebrék kosse helaas nie alle stukke (helemaol) geplétst worre. Hiero.nder staon daoröm links naor de pagina’s waor de resterende stukke te lèèze zien.
Ex-Prins Jan de Véjfde óvverleeje
Zaoterdag 23 jan. 2016
Vandaag ontvinge wïj ’t droevige bericht dat o.nze Officier en Ex-Prins Jan de Véjfde ien de vroege mèè.n ien ziene slaop plotseling is óvverleeje. Jan (van der Mooren) was Prins Carnaval ien 1989 en hét heel veul vör de Génnepse Vastelaovend betèèkend. Hïj was veule jaore lid van de Raod van Ellef en ien dén tied met naame de drie.vende kracht achter de zittingsaovende “Génnep o.nder Mekaor”. Ôk nów nog was ie bïj de Ex-Hoogheden één van de kartrekkers öm ieder jaor mit die clup wér en mój stuk op de buu.n te brenge. ’t Is vör o.ns daoröm extra wrang dat ie juust op d’n dag van o.nze zitting van o.ns is hingegaon.
’t Was aoveriges de uutdrukkeleke wi.ns van Jan’s femilie dat de Zitting gewoon dörgang zów viende. Juust ömdat de zitting é.cht Jan zien ding was, hébbe wïj die wi.ns zeeker wille respekteere. We hébbe uuteraard op gepaste wieze stilgestaon bïj ’t ovverlijde van Jan.
En uutgebreid In Memoriam zal hier ze gáw meugelek wórre gepubliseerd.
Resépsie Prins Barend druk bezo.cht
Afgeloope zaoterdag kreege Prins Barend d’n Örste en zien Prinsés Jeanette hun resépsie engebooje. Heel veul mi.nse, clups en vereniginge hadde de moeite genoome öm o.nze prinseleke Hoogheden te fillisiteere mit hun uutverkiezing. D’n aovend wier tradiesjoneel afgetrapt dör de Génnepse Hermenie, die spissjaal enne Limburgse vastelaovend-medley hadde iengestudeerd. Daornao trok enne lange stoet mi.nse vörbïj; alle collega vereniginge uut de gemèènte, familie en vriende van de Prins, de Génnepse Brandwèèr, o.ns èège dansgarders, de Brandwèèr uut Kraonenburg, de ex-Hoogheden en Senaat van ’t Bombakkes, d’n Dèèke en de Pastoor, wethouder Vermeulen naames de gemèènte en nog veule veule a.ndere. Toen tégge hallef twélf iedereen en de beurt gewést was, was d’r ôk nog tied öm d’r nog efkes en mój feesje van te maake, waorbïj de nog enweezige Prinse en Prinsésse hôs nie van de tôffel te kriege waare.
De örste foto’s van de resepsie zien al te zien ien dit album.
Website wer trug (en vernïjd)
Gillie hét ’t allemaol geme.rkt, én gillie hét ’t o.ns laote me.rke! O.nze website is hôs drie wèèk uut de lucht gewést. Daorvör o.nze ekskuuses. Wïj hadde la.st van enne zeer aggressieve hekkers-enval den o.nze heele site besmét hét. We hébbe meteen van de nood en deugd gemakt en de website gro.ndig vernïjd. Uuteraard is ie nog nie ze compleet (zeeker kwa hiestorie) as de a.lde, mar die schaoj haope wïj de kómmende tied ien te haole.
Nogmals eskuuses vör ’t ongemak, mar we zien d’r wér!!!